موقعي الخاص لتعليم SK System و SMC

بدون مجاملة ماشفت حدا زيك بالشرح.

ماشالله عليك من حيث التعليم للأمانة، روحه طويلة، متمكّن، بضل خطوة خطوة لحتى تتقن المهارة. بوضّح هو متقن ياالعمل بشكل رهيب.

قبل أي إشي، عادل حد رائع، شخص مليان طاقة وحماس، أحلى إشي بشخصيته إنو كل مرة برجع بنفس الحماس بطاقة أعلى، طبعاً بالو طويل ياا درجة كان يمشي معي خطوة خطوة، عنده قدرة على توصيل الفكرة ماشالله محترم، شو ما تطلب منه كفو، هو أخ وصديق بفرح بكل إنجازاته، إن شالله بشوفك بأعلى المراتب، فخورة فيك، انت حد بستحق كل خير وسعادة.

كلمة الحق تنحكى بغض النظر عن الأوقات اللي كنت بتشد علينا فيها وكنا نكره الضغط الزايد، بس بالآخر كلو كان لمصلحتنا. كنت واضح معنا قبل لما نبدأ، وحكيت إنو السوق هاد مو للثراء، ولكن هو سوق إذا اتعلمت فيه منيح راح يكون مصدر دخل ممتاز إلكم، وهاي الجملة هي أكثر جملة علقت معي أنا بشكل شخصي، وهي أكثر جملة عرّفتني إنك مو جاي تبيع كورس وخلص، وعرّفتني إنك جاي تعلّم طلاب بضمير، واللي متل هالتفكير وهالضمير خلصو زمان. هسا كل هم الناس بس تبيع كورسات، وغير هيك كمان سعر الكورس تبعك جد مناسب لشباب دخلهم محدود جداً. شكراً ع كل نصيحة كنت صادق فيها وجربناها معك بسوق عالمي متل هاد. شكراً إلك مشان لخّصت تجربتك ع مدار 5 سنين بأكم من شهر إلنا. شكراً إلك لأنك كنت بمقام أخ وسند، مو بس كوتش، وتلميذ بكل لحظة بمجال كبير متل هاد مو أي حدا يقدر يفوتو بسهولة. شكراً إلك، وهاي كلمة قليلة ع التعب اللي تعبتو معنا وع الدفع المادي اللي انت دفعتو بغرف الميتينج مشان إحنا نستفيد. شكراً إلك يا أجمل روح ساعدتنا وعلّمتنا وعيّشتنا السوق لحظة بلحظة، شكراً إلك، وهاي كلمة مو كافية ع المجهود اللي بذلتو معنا.

بفضل ربنا ثم انت، أنا وصلت لهيك مستوى ❤️❤️.

والله يا أخي كل إشي أنا وصلتلو انت كنت جنبي ودعمتني وعلّمتني لأوصلو. حاب أحكيلك شكراً لأنك إنسان عندو ضمير، وحاب أحكيلك شكراً لأنك بحياتنا بكلامك وتصرفاتك وأخلاقك. ربنا يكتبلك الخير ويعطيك من أكبر أبواب رزقه.